Di West African Senior School Certificate Examination (WASCCE) don release di 2020 results for school candidates.
According to di council, out of One Million Five Hundred and Thirty-Eight Thousand Four Hundred and Forty-Five (1,538,445) wey sit for di result, di results of Two Hundred and Fifteen Thousand One Hundred and Forty-Nine (215,149) candidates, wey represent 13.98% of di total number of candidates, dey withheld in connection with various reported cases of examination malpractice.
WAEC say Candidates wey sit for di examination and wey don fulfill dia financial obligations to di Council fit access dia performance ontop di Council results website for : www.waecdirect.org.
See breakdown of di results from WAEC
- 1,538,445 pipo sit for di exam for Nigeria.
- 1,456,727 candidates, wey represent 94.69% get dia full results
- Dem still dey process results of few subjects results of 81,718 candidates, wey represent 5.31%
- 1,338,348 candidates wey represent 86.99%, obtain credit and above in a minimum of any five (5) subjects (i.e with or without English Language and/or Mathematics)
- 1,003,668) candidates wey represent 65.24%, obtain credits and above in a minimum of five (5) subjects, including English Language and Mathematics.
- WAEC say dem record 1.06% improvement in performance compared to 2019
- Results of 215,149 candidates, wey represent 13.98% dey withheld
Di council bin plan to release di results on 28 October but postpone am sake of sake of di curfew wey bin dey some states last week afta di violence wey spread wen hoodlums hijack di peaceful End SARS protest.
Di exam wey suppose begin on 6th April, 2020 no fit happun, as a result of di of COVID-19 pandemic.
Di examination wey finally begin on di 17th August, 2020 end on di 12th of September, 2020.