Valentine Ozigbo win PDP primaries in Anambra state to become di candidate for November governorship poll

Valentine Ozigbo

Wia dis foto come from, Valentine Ozigbo/Instagram

Valentine Ozigbo don win di PDP primary wey happun for Awka on Saturday to become di candidate for Anambra state November governorship election.

Ozigbo win with 62 votes.

Announcing im victory, Phillip Shuaibu Chairman of di Anambra PD gubernatorial primaries say na 16 aspirants contest but three bin step down, including Dr Tony Nwoye.

For im acceptance speech, Ozigbo thank leading members of di party and im fellow contestants wey e ask to work with am to achieve success.

“I wan appreciate my fellow aspirants, I no tink say we be winners or losers, we all be winners. I wan beg and plead with all my fellow aspirants wey participate in dis understand to understand di need for us to come togeda to work in harmaony becos na wetin go make us conquer be dat.”

“For Anambra pipo, na start of something great, we dey here to change our story to show say Anambra go return to PDP come November 6 election.” E tok.

Ozigbo win with 62 votes to defeat im closet rivals Obiora Okonkwo and Senator Uche Ekwunife wey get 58 and 44 votes respectively.

Mr Ozigbo na former President and Group CEO of Transcorp Group and current Non Executive Director of di organisation.

Meanwhile, Former Central Bank of Nigeria Governor, Prof. Charles Soludo don emerge as di All Progressives Grand Alliance APGA, candidate for di November 2021 governorship election for Anambra state.

Soludo score 740 delegate votes to win oda aspirants – Damian Okolo, Thankgod Ibeh and Okwudili Ezenwankwo for di 2021 Anambra governorship primary election.

Di former CBN oga get di governorship ticket after several attempts since 2010 wey don fail – including on di platform of im former party di Peoples Democratic Party, PDP.


Leave a Reply

This website uses cookies. By continuing to use this site, you accept our use of cookies.  Learn more