africa

TB Joshua burial: Synagogue church confam say dem go bury Prophet Temitope Joshua for headquarters


Temitope Balogun Joshua.

Wia dis foto come from, TB Joshua

Wetin we call dis foto,

Pastor TB Joshua die at di age if 57 on Saturday June 5, 2021

Di Synagogue, Church Of All Nations for Lagos, don announce when and where dem go bury dia founder di late Pastor Temitope Balogun Joshua.

For statement wey dem release on Monday, dem say dem go bury Prophet TB Joshua inside di church headquarters for Lagos.

“We dey currently prepare for one week-long service from Monday 5th to Sunday 11th July 2021 in honour of Prophet TB Joshua life and legacy.”

“We go bury am for The Synagogue, Church Of All Nations (SCOAN) for Lagos, Nigeria.” Di statement tok.

Di church announcement dey come afta Prophet TB Joshua widow Evelyn Joshua bin tok last week say dem go make public di burial arrangements when Lagos state goment pay her condolence visit.

Also di head of im village for Ondo state South west of Nigeria bin voice im concern say make dem bury am for im hometown.

Di church say Emmanuel TV go broadcast all di services live and di service go dey open to di public.

Pastor TB Joshua die at di age if 57 on Saturday June 5, 2021 few days to im birthday.



READ SOURCE

See also  We target 2 million votes for Buhari in Oyo – Shittu

Leave a Reply

This website uses cookies. By continuing to use this site, you accept our use of cookies.  Learn more