africa

Rivers State local government election update: Voting don dey end for some local goment


Voting
Wetin we call dis foto,

Many poliing units experience voter apathy as many pipo no come out to vote

Voting don end for some polling units for Port Harcourt and Obio-Akpor local goment areas and counting don begin for some polling units as di local goments don dey end.

Di conduct of di election dey generally peaceful but many polling units experience high voter apathy as many pipo no come out to vote and for many areas, election materials no reach on time.

Di no movements directive still dey strong as di curfew wey Governor Wike declare sake of di election go expire by 5pm.

APC dey di ballot paper, even though di Party officially wrote to RSIEC say dwm no go participate for di elections

Rivers State local government election don dey underway [10.A.M GMT]

Voting don start for di Rivers State local goment election wey dey happun today.

Di electorate dey go polling booth to decide di leaders of di state 23 local government areas.

Di election dey happun for 4442 polling units and 319 wards across di state.

River State Independent Electoral Commission Chairman, Justice George Omereji (Rtd) say dem don prepare well well for di elections and e advise voters to observe Covid-19 protocols as dem dey come cast dia vote.

Voting open around 10am and e go close by 5pm.

Curfew in Rivers State

For State Broadcast on Friday, Governor Nyesom Wike say im don ban all human and vehicle movement from midnight Friday 16 April to wen election go end by 5pm on Saturday 17 April, 2021 except for pipo and motors wey dey on essential duties wit genuine and valid identification.

Also for statement, Rivers State Police Command say dem don deploy 17,500 personnel in addition to deployments from oda sister security agencies, wey go provide safety, security and maintain law and order before, during and afta di elections.

Di Police tok tok pesin Nnamdi Omoni tok for di statement say very important personalities (VIPs) or Politicians no go dey allowed to go any voting centre with dia security details.

Pictures from di ongoing Rivers State local goment election

Wetin we call dis foto,

Pipo dey wait for election to begin at materials don deu arrive polling units

Wetin we call dis foto,

INEC officials dey sort out election materials

Wetin we call dis foto,

Di moment INEC officials begin distribution of materials across di local goment for Rivers State

Wetin we call dis foto,

Voters dey wait Party agents to arrive before dem go begin voting

Wetin we call dis foto,

Ward 11 unit 1 Obio-Akpor voting wan begin

Wetin we call dis foto,

Pipo don dey wait for election to begin at materials don deu arrive polling units

Wetin we call dis foto,

Voting ongoing for Obio Akpor Watd 6 unit 20



READ SOURCE

Leave a Reply

This website uses cookies. By continuing to use this site, you accept our use of cookies.  Learn more